रद्द र फिर्ता नीति

५ नोभेम्बर २०२६ देखि लागू · Milau

खेल स्थलको बुकिङ

• भुक्तानी भएपछि बुकिङ अन्तिम हुन्छ। अर्को समय वा कोर्ट चाहिएमा बुकिङमा देखाइएको नम्बरमा खेल स्थललाई सीधै फोन गर्नुहोस्; परिवर्तन खेल स्थलको निर्णयमा भर पर्छ।
• तपाईंले भुक्तानी गरिसकेको स्लट खेल स्थलले रद्द वा बन्द गरेमा तपाईंलाई पूरै रकम फिर्ता हुन्छ।
• १० मिनेटको रोकाइभित्र भुक्तानी पूरा नभए केही शुल्क लाग्दैन र स्लट फेरि बिक्रीमा जान्छ।

भवनका सुविधाको बुकिङ (मेरो निवास)

• प्रत्येक सुविधाले बुक गर्नुअघि आफ्नो रद्द नीति देखाउँछ: सुरु हुनुभन्दा तोकिएको घण्टा वा सोभन्दा अघि रद्द गरे पूरै फिर्ता (घण्टा भवनले तोक्छ), नत्र तोकिएको प्रतिशतमा आंशिक फिर्ता, वा फिर्ता नहुने।
• भवन व्यवस्थापनले रद्द गरेमा तपाईंलाई पूरै रकम फिर्ता हुन्छ।
• धरौटी अनलाइन कहिल्यै लिइँदैन; त्यो हस्तान्तरणका बेला व्यवस्थापनसँग सीधै मिलाइन्छ।
• रद्द नगरी नआएमा भवनका नियम लागू हुन सक्छन् (जस्तै केही समय बुकिङ रोक)।

भवन व्यवस्थापनको सदस्यता

सदस्यता जुनसुकै बेला रोक्न सकिन्छ। बिल बनिसकेको र तिरिसकेको महिनाको रकम फिर्ता हुँदैन।

फिर्ता कसरी र कहिले आउँछ

• फिर्ता रकम पहिले भुक्तानी गरेकै माध्यम (eSewa वा Khalti) मा जान्छ। नगद फिर्ता हुँदैन।
• रद्द भएको ३ कार्यदिनभित्र Milau ले फिर्ता प्रक्रिया गर्छ। तपाईंको बैंक वा वालेटअनुसार रकम १ देखि १४ कार्यदिनभित्र आइपुग्छ।
• फिर्ताको अवस्था एपमा तपाईंको बुकिङमा देखिन्छ।

केही समस्या भयो?

आफ्नो बुकिङ नम्बरसहित santosh.sigdel@milau.world मा लेख्नुहोस्। हामी २ कार्यदिनभित्र जवाफ दिन्छौं र गुनासो पहिले सीधै मिलाउँछौं।